Antton Jauregizuria

MARI

Airean eta dirdiratsu

bertako zerutik

mendiko etxeruntz, Mari.

LUR, EGUZKI, ILARGI

Amalurratik,

eguzki ta ilargi,

eguna ta gaua.

LAMIA

Erreka garden gainetik

eguzki itsugarri izpiak

lamia ilegorriaren

aura distiratsu.

TTARTALO

Ttartalo bildurgarria

dena begi ta sabel

irensteko beti prest.

Harriaren herria, jentilek

bazenikiten...

kixmiren fededunak, ordez,

soilik sinesten.

Akerbeltzaren begi ilunak

beste mundu baten ispilu

egitan nor garen gogoratzeko.

AIDEKO

Haizeak

aspaldiko bi lagunengan

nahiko hosto

eraman.

BASOJAUN

Mamia ta azala

Basojaunaren osotasuna

orain ere bai agerian

HERENSUGE

Lur sabeletik

suak, bizirik,

lurretik zerura

HERIO

Pausuz pausu

bakoitzaren atretik

herio esku hotza.

ETSAI

Materia, arima, izpiritua

bildur atetetik pasa ondoren,

nun entzun liteke etsaien pausuak?

BEHIGORRI

Aterik gabeko

- behigorri begizorrotz-

sarrerak zaintzen.

MAIDE

Harri barnetik

suak tartean

Maide, gora ta behera.

GAUEKO

Ezaguera eza

ergelen harrotasuna

Gauekoaren aukera.

ORTZI

Lurreraino

Ortziren tximista

Bizia pizten.